وسط الدموع والأنين والعيون الغضبانين
الصوت العالي والغضب مش ضياع حق
الصوت العالي والغضب شق الحيطان شق
سهم الظلم حط على الوجع
وكل قلب اتوجع
بكل سهولة.. اقوله أنت الغلطان! حق
خلتني بسهولة أوجعك
والوجع طبع على وشك خريطة
أجي أنا و أرحمك؟ طبعا لا
هعمل فيك عمايلي
وإياك..إياك من تنفيسة غضب
مين يقول أن المظلوم يقول للظالم آسف حقك عليه !
سيبتك تظلمني وأنت عارف أني الضحية
آسف على وجعك ليه
حاضر..هكتم جوايا الصوت العالي
بس يا خوفي بعدها تحاسبني
كمان علي السكات
وفي حياتي الجاية
حلبس ميت طاقية
و أعري صدري يستقبل منك كل الطعنات الحيه
بدون ألم ولا حتي صرخة وجع
و أشكرك بدل الشكر ميه
ترسانه تعصر كل يوم مني شوية
ولما يوم يجف دمي
من كثر همي
حيقولولي مقدرتيش تتحملي..ليه كمان شوية؟.
تابعونا على صفحتنا الفيس بوك
