ياعروسة الجنة
يابنت الآية والعفة
سيرتكم لفة العالم لفة
قلوبنا محروقة عليكم
وأروحنا محروقة
حزن ولهفة
يا مطحونين بين رحايا
عصر السنين
ده الحاجة وكل حاجة منكم
عيون الصبايا الحلوين
ده عنيكم مليانة ضحكة
رغم قلوبكم بالحزن
محسورين
بتجروا على اخواتكم
وأهلكم بين تروس الفقر
مفرومين
علشان تشتري طقم صينى لجهازك ياعروسة الجنة
كل صبح على العربية بتجرى
محشورة بين البنات والولاد
عايزة تلاقى ولو نص مكان
تقعدي فيه بسرة فيها
رغيفين عيش
وطماطمة وبدنجانة
مخللة
تتغدى بيهم الضهر
مع الكل تضحكي وأنتي مصهللة
ياعروسة الجنة
ياشهيدة جهازك
ونفسك كنتي تكملى
وتلبسى فستانك
فـِ كوشة الحنة
دلوقتي بتزفك
ملايكة الجنة
يا عروسة الجنة
تابعونا على صفحتنا الفيس بوك
