كتب حنان محمد
بحبك يا أمي
اليوم يومك والعيد عيدك
يللى دخول الجنة بإيدك
لما بترضى ربنا يرضى
يغضب لو يسمع تنهيدك
ياما سهرتى عشان تعبان
وبتسقينى حنان فى حنان
لما أغيب لو بس شوية
بتقابلينى بالأحضان
وصى رسول الله بإحسانك
وكمان وصانا القرآن
لو هديكى القلب هدية
والدنيا معاه بردو شويه
يللى مليتى القلب بحبك
ليكى مليون فضل عليه
جنة ربى تحت أقدامك
ورفع رب العزة مقامك
وأنا رهن إشارتك يا حبيبتى
وهكون طول عمرى خدامك
عيدك أبدا مش يوم واحد
إللى يقول كده آسى وجاحد
واللى يسىء للأم يا ويله
مش هيشوف راحة يوم واحد
بحبك يا امي
