كتب حنان محمد
انا لوحدي)
وكل الملمومين حواليا فضوا مساحة تكسرني
وكل الكسبانين في عنيا سابوا عنيا تخسرني
انا لوحدي
وخارج من حياتكوا بشرط
تلموا جراح فضلتوا سنين تشربوهالي بالجملة
وتسقوني السعادة فرط
انا اتعودت مااختارش الطريق فغرقت
فمش هتضر دلوقتي عشان اخترت
انا لوحدي
وسايب فوق خدود الروح بواقي دمعة متهانة
وحاسس فوق شفايف ناس ضوافر ضحكة شمتانة
وبين الروح وبين الناس وبين مسافات بخططها
وناس بالفطرة مبتصبرش
بلم خيوط فضلت سنين احاول اني اخيطها
فطلعت كسوة مابتسترش
انا اتعودت لما ابدأ طريق والاقيه ميكملشي
اسيب شنطي ومشاعري وكل شئ وامشي
