عَمَّك سْلطحْ
• عَمَّك سْلطحْ ماشي . مْفَلطَح
لابِس لِبْس جميل ومْشنَّح
• بدلة جديدة وجزمة بْتلمَع
داهِن شعره زيوت ومْسرَّح
• وِشُّه جميل وِدَا بَدر مْنوَّر
إللي يْبُصّ ف وشُّه بيفرح
• نافِش ريشه وعامل روميو
خطوة•رشيقة وماشي مْأَنزَح
بَصّ وشاف طفلين يتخانقوا
رماه ع الأرض بجسمه بْيمسَح
• إلحقني ياعمو دا هَيمَوّتني
الواد دا مَنِعْني إنّي أرَوَّح
• برجله وإيده عمَّالْ يِضرب
• قالْ وانا مالي ياعمّ هَكَبَّر
سِبونِي ف حالي أمَشِّي وأروَّح
• أوَسَّخْ لِبْسِي وابهدل حالي
سيبك مِنهم سَوَّح سَوَّح
• زَعَق الواد عَمَّالْ بِيصَوَّط
حُشْني ياعمو دانا هَتْشرَّح
• دخل الناس لِيْفُضّوا شجارهم
راح خَشّ معاهم عمَّك سَلطح
• علشان يبقي راجل متدين
زي الدين والعرف مايسمح
• ويَّا الناس بِيْحَجِّز بِينْهُم
سِيبو يامجرم ابعد وافسَح
• كل مايِبْعِد بينهم يرجع
واحد منهم ناحيتهْ يِأزَح
• ويْخُشّ ف عبه وهُوّا بيبكي
حُشني ياعمو دانا هَتْكسَّحْ
• التاني وراه من خلفه بيضرب
وحياة أمك لازْمًا أدَبَّح
• طالتِ المدة ولافيش فايدة
قاموا الناس بالضرب ف سلطح
• يابن الكلب بقلنا كتير
بنْفَلِّي جيوبك مَطْرَح مَطْرَح
• فوق وِلْتحت وتحت لْفوق
فاضيه إْدِينا وفيها بْتمرَح
• لِبْسكْ حلو وجيبك أبيض
كده تخدعنا بشكلك نفرح
•وانت مفلِّس يابن الهِرْمة
إوعاك تِزعل إحنا بنمزَح
• مَلَص الراجل منهم يجري
آه ياخرابي دانا هتسوّح
• غَصْـبِن عني كنت مُـمثِّل
ودا كان دوري فُوق المسرح
تابعونا على صفحة الفيس بوك https://www.facebook.com/share/1GNk3uW81H/
