كتب حنان محمد
الليلة
كان أخر حِمل من الشيلة
كان اخر سكة بيمشيها
لقلوب شايفينه قليل حيلة
كان فيه الخير مات فـ قلوبكوا
من سؤ النية قلوب طينة
لا عملتوا حساب عِشرة مابينكوا
ولا حتى حساب لُقمة فـ ليلة
إيه الحلو فـ كسر قلوب منكوا
فـ سبيل إشباع رغبة دنيئة
كل اما يعاني بتحتفلوا
كل اما يفوق تبقوا فـ ضيقة
الدرس صحيح اتعلمته
خد عرض الشرح ودي حقيقة
فـ قلوبكوا الغل عيون كافرة
بجمال الدنيا ورزق الله
لا رضيتوا بشئ إيدكم حادفة
علي ابسط حد طالما معاه
قربت ودايما كنت اعمى
مستني الخير من ناس كرهاه
خلقولي صراع نفسي وبسعى
لعلاجة تملي من الايام
كل اما ارتاح ابدأ وانسى
يغتالوا الحلم ده من الاحلام
وعشان الدنيا تدور ترضى
ماتقولش انا سير خط الإنتاج!
صدقني ده كله خلاص عدى
بس إبقوا افتكروا المشهد تام
عمري اللي اتاخد بالعافية
ربنا هيجيبُه اكيد قدام
