رباعيات
ياحبّة السُكّر
عندي أنا أكبر
يامدوقاني المُر
مُش شايفه ليه
باصغر
أنا كنت حلم وحُر
مابقالي ليه منظر
ايه في الحياه بيسُّر
علي حاجه تتمختر
العمر كله وُمّر
والحمل زاد أكتر
ولادُقت بلح الشام
ولا م اليمن عنبر
ولا خَدت طرح النهر
حتي الغُنَا مَرّر
أحِنّ لِلَمس كُوره شراب
وانطّأهاعلي اللِكعاب
نجيب الجُون نِهيّص هِيه
وناس لَمّه وأعز احباب
يشوفنا الحاج عبمنعم
ويجري وراناليه عَ الباب
بيوت مفتوحه عَ الآخر
وحلم ولاد وِوَيَّا بنات
حياه ببساطه عِشناها
ملاهاحضورماكنش غياب
قالولي إيه
نِفسَك في إيه
قُلت جناح
وأطير عليه
أنزع مَرار
من كل ظالم
وابني أمان
في البيت لِحَالم
وامسح بإيدي
دموع عينيه
قالولي طَب
بتحب إيه
أنا قُلت لَمّا
الطير يِرَوّح
مايلاقي حَد
يِجُور عليه
قالولي قُول
هتقوله إيه
قُلت حبيبي
وِمِنّي إليه.
تابعونا على صفحتنا القيس بك
