نمت في مخزن
ويا…. معيز
وكانت مخدتي شنطه
وفرشتي كرتون
كان بيني وبين المجنون
قهره
بتحملني اللوم
شوفت الجوع للطيبه
للرحمه
وكان الشعر
هو الكف الطيب
اللي مطيب خاطري
ومقدرني أقوم
ما كتبتش يوم
غير نفسي
انا بيات الخلا
وسلا…
وانا اللي مَّزك ع الغُنا
والطير المسافر وحيد
أكيد…بلا تأكيد
بسؤال…
حلاقي….؟
حقابل…..؟
حأعيش يابكره..
ولا مش قابل….؟
سنابل طارحه قصاد عيني
وصاحبها بخيل
أروح للنيل
واقوله يانيل
عرضك وطولك
مش مكفي عنيا شوف
عايز أطوف ..ف ال إستحال
عايز أمكن عيني
من رد السؤال
ليه مايتك..
مابقيتش قُلة عطشانين
سنين بأمشي
بأمشي بأمشي
لحد ما رساني زماني
وقابلني الدكتور البلشي
ماحرمشي
نمت على سرير
وأتغطيت بلحاف
ودعت الخوف من بكره
ولقيت الضحكه على شفايفي
بتقول الله
عندي أوضه وتلفزيون
وكتاب بقراه
عندي كيان إنسان
عايش مع بني آدميين
تابعونا على صفحة الفيس بوك.
