قلمي وفرشاتي
طوابير
وسط الملايين
عايشين
غمضت عيوني فى وسط الليل
لاجل أصحي مع صوت عصفورة
تصرخ وتزقزق لاخوتها
مع صوت الديك
ياكريم يا عظيم
إرزقنا وكل البني آدمين
وهناك واااقفين
طوابير طوابين
لأجل رغيفين
وصادفني هناك
طفلة جميل
عيونها بتضحك
رغم إيديها الشقيانين
نظرة عين
مقهورة حزينة وفرحانة
أخدت حقها
من نني العين
أخدت رغيفين
لقمة يادوبك
هتكفي يومين
دا ياعالم
أخدت رغيفين
لاجل الذكري
أخدت صورة
بس العين فيها مكسور
جوه النني يحكي انين
وفى أخر القصة تتمخطر
وتضرب فى الصبر مثلين.
تابعونا على صفحتنا على الفيس بوك
