كتب حنان محمد
لو صرخت بعلو صوتي
مين فيكوا يسمعنى
ومين ح يسد خاشمى
منكم ويمنعنى
ومين بهذا الهم
من العرب معنى
وعزه بعد الحصار
المها قطعنى
والاجتياح ابتدأ
وادى الاشاره شيطان
بدأت نتانة النتن
على غزه تبقى طوفان
بغطاء ومعونه ودعم
م الناتو والامريكان
ولا عزاء للعرب
فى عينهم والودان
دوله ورا دوله
يستهدفها اليهود
عدوا كما السرطان
بيعض في العنقود
ويفرفط الحبات
حبه ورا حبه
حتى فى وقت الجد
بقينا نتخبه
وفلوسنا بيها تنعم
امريكا وأوربا
ايدك معانا يااخ
ويانا هيلا هوبا
ماعادش مجلس أمن
قراراته تحمى البيت
بقى برطمان للسمن
او كيف قارورة زيت
طول ماهى امريكا
تديلهم المعلوم
ما ح ينصفوا غزه
ولا ينصفوا الخرطوم
وبايه يفيد النفخ
فى الشمبر المخروم
بصوا على غزه
فى بحر دم تعوم
والغصه ملهاش حد
ماتعدى م البلعوم
مع أن بايدينهم
شاور وقاللى شالوم
ولا حد بيدينهم
ولا حد قال استوب
ولا عاد لنا غيرك
تاخد بايدنا يارب
