عرايس من الجنه
وجع السنين
في الروحه والجايه
نشفت عيوني م البُكا
على كارثه منوفيه
مفزوعه روحي بُكا
على طرف فستانها
أرض المنوفي بقت
مفجوعه في سكانها
——-
يا وجع انت جوز امنا
وللا نظامَك إيـــه ؟
هو انت واحد مننا ؟
ملازمنا ديمًا ليه ؟
يا وجع فارقنا بقى
كفايه أسى وانين
واللا احنا بقينا سوا
بالحبل مربوطين
هم الغلابه كدا
فـ العيشه منحوسين
الدنيا لو ضحكت لهم
تمص دمهم
وفي النهاية
مقتولين مقتولين
تابعونا علي صفحة الفيس بوك
