كتب حنان محمد
حكم القدر
الورق إنطبع …..
كل الحروف متلخبطة
باهته ومش قد القدر
إللي انكتب
على طرف شمس مغربة
أخدت معاها العمر اللي اندثر
فى ساقية الوقت الغلط
بعد الجفاف وسنين عجاف
والسنبلات اللي حوشها الزمن
قامت رياح الظلم مغبرة
اخدت معاها الحلم إللي إتوئد
قبل الميلاد إللي على الورق إتكتب
يا منتهي العمر اللي راح من غير ثمن
وانا لسه واقف فوق رصيف الإنتظار
مستني ضوء شمس الصباح
يمكن تنورلي الورق
يادي القدر الكلمتين طلعوا ثلاثه
والحكم كان …..
” الصبر~ مفتاح ~ الفرج “
