كتب حنان محمد
الصباح
صباح مفروش بسجاده
يقوم الفجر بيصللي
وامي معاه كما العاده
وصوت تسبيحها واصللي
بتدعي وتدعي بزياده
ويبكي دعاها متمني
تحاوطني ربوع الخير
واعيش العمر متهني
ويمنع عني ما اكره
من الدنيا ومن همي
يارب يا امي خليكي
علي راسي وف النني
وطول العمر برضاكي
دروب النور تنورللي
ببسمة روحك الحلوه
بتحلي الدنيا وتغني
ومهما اكبر يكون حضنك
براح روحي وسكن قلبي
يا ست الكل يا عمري
يا ست الكل يا امي
يارب بارك في كل الامهات واحفظهم لاولادهم وارحم من انتقلو ا الي جوارك وفي معيتك
