دولاب الذكريات
جواه احلى حكايات
جواه ضحك ودموع
جواه حواديت كتير
البوم صور قديم
وهدية من حبيب
شهادات درجات نجاحنا
تواريخ في أچندة زرقا
عن شوقنا وعن فرحنا
وشريط للعندليب
دولاب الذكريات
مليان بحاجات كتير
فيه رواية قديمة خالص
جواها وردة حمرا
من أيام المدارس
وبعتها زميل دراسة
كان قاصده يقول بحبك
فيه عباية قديمة سمرا
من ريحة الست أمك
فيه صورة لعيد ميلادك
وانت وشك بيضحك
فيه بطاقتك القديمة
أيام ما كنت طالب
و صورة ع البيلاچ
انت واعز صاحب
دولاب الذكريات
جواه عمرك بحاله
جواه كل السنين
جواه ذكرى وحنين
جواه أصلك وسنك
جواه حاجة رايحة منك
فيه نفسك القديمة
جواه الباقي منك
قصيدة دولاب الذكريات
تابعونا على صفحة الفيس بوك.
