ابي
مخصوص وباكتبها عشانك
ياسيدنا واحنا خدامك
يامعلم الدنيا بسيرتك
تروينا دايما بكلامك
من نبعك الصافى شربنا
والكل يتمنى سلامك
وجهابذة العصر الماضي
واقفين بيستنوا ببابك
خليتنا ننسى الدنيا معاك
ونفتكر حتى عتابك
عمرك مافكرت تتعاتب
لوحتى زادت أعباءك
دايما بتغفر وتسامح
للكل فاتح أبوابك
عطف وحنان دايما تدى
والكل قبل أعتابك
ماانتش ولى و ماانتش نبى
بس احنا عارفين لمقامك
باادعيلك اليوم دا وعارف
إنك فى جنة رضوانك
رب العباد يكرم نزلك
وللنعيم دايما مالك
يعطيلك المولى ويكرم
هو الكريم يعلى مقامك
والله عارف لو عايش
تحت القدم أبكى عشانك
لو شفت خير فى الدنيا دى
هيكون قليل من أفضالك
بادعيلك الله يقبل منى
عايش في ضلك ورحابك
يارب تقبلنى ويفضل لى
خيرك وفضلك وثوابك
عمرى فى يوم ماانسى وجودك
ولاهانسى صمتك وكلامك
والعمر لوطال بينا
وقعدنا نذكر أفضالك
أبدا مانكفيك حقك
والخير هنا لحم كتافك
غيرك ما هنحب ويشهد
رب العباد يعلى مقامك
تابعونا على صفحة الفيس بوك.
