مهرجان البوح
دنيا ..تهفك ..ترفك ترقعك احزان
وانت اللى سايب الهوى روحك
ما بين جنون الكدب والهيلمان
تتلقا تانى فى مهرجان بوحك
تدخل تشوف الحلم بالالوان
الحزن واجع والحنين ادمان
مشهد غريب للحكمة وظروفها
فيها الاغانى العجيبة والعشق والصلوجان
ترقص ليالى الشوق ودا كيفها
الحزن واجع والحنين ادمان
ياما ناس ف حضن الضلمة نكشفها
صعبة المشاعر بس مش بتبان
وسبت روحك ف اغتراب خاين
خدعة ويلا العجب ف الكدر بنشوفها
فبلاش تصاحب كل يوم احضان
طعم السنين الباقية فرط عبير
والمستحيل ف العشق مش وارد
عارف بانك ف الهوى اذنبت
وانك فى كلتا المشهدين باين
سافر هواك ف النبض واتمكنت
وسبت روحك ف اغتراب خاين
دنيا تودك تصدك توهبك مسافات
الليل بيشهد علينا والقمر سامع
وازى افارق والادين شابكين
دنيا تودك تصدك توهبك مسافات
تغنى فيك الامانى ونغمة العاشقين
ويتوه هوانا اللعين ف الشك والصدمات
