كتب حنان محمد
صوت البلد
عيوني ليكى يا بلد
و روحي كمان بالمرة
ما أنا وأنتِ واحد
ع الحلوة و ع المُرة
على القهوة قاعد
كام أفندي بيشربوا
الشاي
يقول سي عبده
الحساب عندى
وعندكم الدور الجاي
وصـوت السـت في
الراديو
بيصبح على الناي
وعلى كل مخــلوق
الدنيا عبارة عن
صـندوق
مليان ذكريات
فـ كل ركن من الأركان
تلاقي عمر فات
تلاقي جوابات
مابين اتنين عشاق
من السبعينات
يجيلك فضول تفتح جواب
من إيَّاهم
تلاقي مكتوب : من فُلان الفلاني
إلى فلانة
تحيه طيبة وبعد ؛ صباح الورد
يا ست الكل … يا وش السعد
مهما تبعدنا الأيام هيفضل الوعد
هو الوعد
محبتش قبلك ولا هحب بعدك
بعد
تقفل الجواب وتقول :
أيام جميلة .. و الذكريات
أجمل
صلَّ على حَضرة النبي
خلى الجمال يكمل
