الشاعرة إيمان أحمد يوسف
بيحسدوني
على إنجازاتي
عن حياتي
مايعرفوش صبري
وجهدي ودمع
نهره من آهاتي
كان سلاحي
من تحدي
لأني بنت
لأني فزت
على ملايين ولاد
باكد وتعب وعلم ونفع
وشغل وعمل
مايعرفوش إني كبرت
لأني بنت
كبرت معايا
كل نجاحاتي
وعرفت إن جهدي
وإن عمري
قيمة غالية
من بصيص الشمسِ
يعلا كتبي قلمي
سطري عملي
لو عرفتوا
معنى صبري
ومعنى قدري
في قيمتي
فعلاً إني بنت
قادرة اتحدى
واقاوم
قادرة أكون فاعل
يقاوم
قادرة أصنع
قابلة احارب
كل رجعية وتجني
كل أفكار التجني
كل تهميش
من اللي خانني
وانتزع مني الحماية
قادرة طول الوقت افكر
قادرة انتج ابني أعمر
ابقى قامة مصرية
و ناجحة
لأني بنت
ابقى قامة مصرية
و ناجحة لأني بنت
اسألوا عني التاريخ
والنيل غيطانه الازمنه
والأمكنة وأمواج
بحور الدنيا
أني بأقتحم كل الصعاب
على يقين
أني في حماية
ربنا
