أهلا رمضان
هليت يا شهر الكرم
والرحمه والبركات
وفيك ليالي الهنا
وتذول فيك الذلات
نور الإله نورك
وزاد فيك البهجه
فيك ليله فاضت بخيرها
بتزيد فيها الرحمات
رب العباد قال لنا
زيدوا من الصدقات
ونزيد كتير م.الزكا
ونوزع النفحات
وننسي لو فيه أسيه
ونرجعوا الصداقات
ويعود ما بينا التسامح
ولا يبقي فيه خلافات
يارب إكرم عبادك
واغفر اللي فات
وشفع المصطفي
في اللي مضي أو فات
وارحم جميع اللي ماتوا
واستر لنا العورات
رحماك يارب الوري
إوعدنا بالجنات
وكل دا برحمتك
يا سامع الدعوات
والشهر دا مفترج
ع اللي صام بالذات
ويقبل المعذره
لو حد ضل وفات
شهر الكريم ربنا
رمضان أبو الكرمات
محلاك يا شهر الرضي
يا مجمع الإخوات
بالذكر والترتيل
للحي والاموات
تابعونا على صفحتنا على الفيس بك
