كتب حنان محمد
انا برده لسه بحبها
ومش عشان انا سبتها
أكدب وقول مابحبهاش
فى حاجات معاها عشتها
وحاجات معاها عشقتها
وحاجات معاها مابنسهاش
….
مش كل واحد ساب حبيبه
يبقى كان مجروح معاه
فى حد كان راضى بنصيبه
وحــــد تعباه الحيــــاه
….
مهما السنين بتلاهى فينا
بين الاماكن والوشوش
ومهما قولنا خلاص نسينا
جوا القلوب مابيتناسوش
…..
بس الحياة حكمت علينا
لكل واحد بإتجاه
وكل واحد يمشى فينا
التانى مابيمشيش معاه
…..
يبقى السبب مش حد خان
ولا إنه مش موجود أمان
لازم نسلم بالقدر
ونرضى بالمقسوم كمان.
الشاعر عارف مصطفى
