كتب حنان محمد
فرحه
من فرحتي النوم جفاني…
عماله ترقص كل المعاني
وكل ما اطلب اقفل عيوني…
تقولي ارقص وييا تاني
وتشد ايدي ووتر وريدي…
تعزف عليه أجمل اغاني
تقولي فرحه رجعه حبايبي…
راقت معاهم كل الاناني
وصوت حبيبي زود لهيبي…
من كلمه واحده الصوت سباني
ماهو كان بعيد قلبه الحديد…
سيل دموعي والبعد جاني
ولما عاد وجع البعاد…
حسيته وجعي مر ف تواني
ما انا اصلي دايب أغلى الحبايب…
مهما يغيب راجعلي تاني.
فارد جناحي وخلاص جراحي…
دوتها نظره من رمش جاني
لفيت بلاد فيضان سهاد…
غرق شقوقي وانا في مكاني
وديكي إذن ورغيف ملدن…
وعمري ما اشبع وفيه اناني
بخيل ف قربه لاكن بحبه…
هعيشله راهب ولو اذاني.
إياك تغيب يا اجمل حبيب…
عصير لقانا كاسه سقاني.
ازاي انام بقى ده كلام…
دي الريشه رقصت قبل المعاني
