كتب حنان محمد
أنا بتكلم عن أمي
أمي ومين زيك
تغير الشمس من ضيك
ومهما ألف و اتغرب
ولا برتاح سوى في حيك
ياست الكل يا جميلة
في طبعك هادية وأصيلة
ومهما تقسي من طبعك
ما ابات زعلانه لو ليله
يهون تعبك يهون وجعك
وعمري ما أهون على قلبك
يا ونس العمر ونبض القلب
بغيب وأرجع بشوقي وحب
تسامحي حتي في غيابي
وتديني كتير أعذار
وفاهمه ليا أحبابي
ولامسه ليا الأعذار
وهو مهما احب و أغيب
هيسكن قلبي حد قريب
يكون أقرب في يوم منك؟!!
دا إنتى يا أمي أول قلب
لقلبي وروحي حب وضم
وفين أصلا نلاقي حنان
يوازي حنان وحضن الأم
أنا بتكلم عن أمي
وعارفه كلامي مهيخلصش
فهختصره بكل بساطه
علشان عليكوا ما أطولش
أنا أمي مفيش منها
ولا أستغنى يوم عنها
يغير البدر من لونها
ولو تظهر تغيب الشمس ولا تطلعش
