كتب حنان محمد
فيلم بايخ
ليه الضعف وقت الحب قاتل
ليه يموت فينا كل شيء بريء
عشت 1000 لحظة معاك بريئة
وماتت اللهفة اللي جواك لما قلبي صبح جريء
شفتني واضحة اوي من غير رتوش
واللي يشوف حقيقة واضحة دايما يملاها بخدوش
لما جيت لحد بابك كنت بعلن إني غيرهم
جاية شارية جاية أنسيك كل جرح شفته منهم
كنت واضحة وانت عاشق للغموض
واللي واضح صعب يخدع
واللي غامض سهل يخلف في الوعود
كان كلامنا كل ليلة يطول ونحكي 100 حكاية
بس فجأة في لحظة واحدة شفت بطلة جديدة غيري
كنت بطلة البداية وانت غيرت النهاية
