كتب حنان محمد
ضحكت
بتاخدها عيون الخضره وتهرب
جوه الحلم
تصادف حلم
ترسم صورة حلم مفرط
جوه الحلم توب مترب
كل ماترسم تيجى ف بالها
صورة بنت جميلة بتبكى
شايله الطرحه ونازله السلم
(أغنية حزينه )
فجأه اتفتحت كل بيبان الماضى ف عينها
ألوان الحب اللى بتنزل ع الجلد بسرعه
نزيف الماضى المقتول
وقصايد نجمها مقفول
بتفتح جرح
يقلد صمتك
رسمت دمعه
رجعت للصوره
ودخلت
وقفت تبكى
على أثر الدبله ف إيدها
وضحكت.
