كتب حنان محمد
كالشمعة صارت تحترق
تعبت معاه واتحملت
جادت بكل جهدها ما اتكلمت
ضحت كتير وكمان في جوفها اتألمت
كالشمعة صارت تحترق
والعمر منها بينسرق
شافت هوان قبل الأوان
زرعت بذور أشكال وألوان
وكل بذرة فرعت صبحت شجر
طارح وفايض وبعدها فاتها وهجر
خاض الطريق إللى نهايته خساره
فاكر هيجني منه بإفتراره
حمل تعبها وجهدها
وللتانيه حدفه في حجرها
فاكر حياته في الأمان
فسرقت شقاها لوحدها
رجع الطريق ندمان
سايب وراه دستة عيال
وزوجه حملها كالجبال
ومشي يدور في السراب
فجأة الطريق ضلم في عينه
واتقلب جواه خراب
ندمان في نفسه على نزوته
بسببها ضيع عزوته
ومن قلب زوجته ضاعت كمان محبته.
