كتب حنان محمد
الدنيا بالألوان
أنا حلمى اشوف الدنيا بالالوان
واقابل بين البشر انسان
فاهم معنى الإنسانية
أتعلم منه ازاى اطبطب على روحى
وانقي الفرح من الحزن واداوى جروحى
نفسي الاقي في البشر طيبه بجد
الاقي حد يعترف بالغلط
ويقولى أن الدنيا دى فعلا ولا تسوه
ويقنعنى أن الشاى احلى من القهوة
وان البشر مش قرآن
وان القلوب بتتقلب بين ايد الرحمن
أنا عايز حد يسامحنى من غير ما احكى
عايز حد يشوفنى من جوه
يصلح البايظ
ويمشي من سكات
يمكن أو جايز
اعيش قبل الممات.
