مكرونه بمكس صلصة
المقادير
نصف كيلو مكرونه مشكله، “اسباجتي ،خواتم ،ودعه”
بصله متوسطه مقطعه شرائح رفيعه
زيت
كوبين طماطم معصوره
ملعقتين صلصة
ملعقه كبيره سكر
ملح ،فلفل اسود ،نصف ملعقه صغيره كمون وكسبره جافه
الطريقه
نسلق المكرونه لحد ما تستوي حوالي ٩دقائق وبعدين لما تستوي تصفي من غير ماتشطف وننزل عليها بشويه زيت ونقلبها
في طاسه نضع زيت ويسخن جيدا ثم ننزل بالبصله تحمر لما تاخد اللون الذهبي ثم تنشل علي طبق وتفرد عشان تجف وتقرمش ولما تجف نفركها أو نفرمها بأيدينا
بالنسبه لمكان الزيت بتاع البصله ننزل فيه بملعقه السكر ونقلب هتتكرمل علي طول وهو ساخن ثم ننزل بعصير الطماطم والصلصة وعليه البهارات والملح ثم ننزل بالبصل وتترك تغلي وتركز وتتقل ثم نغرف المكرونه في أطباق التقديم وعليها الصلصة.
تابعونا على صفحتنا الفيس بك
