شكرا للقمه العربيه
على قراراتها بالإجماع
والكل فيها كان شارى
ولا اى واحد مننا باع
قرارات من أجل المستقبل
تحمى وطننا من الضياع
قرارات فيها كتير م القوه
رافضه الخضوع والانصياع
فيها الشموخ فيها التحدى
للعين واضح والاسماع
بتأكد أننا احرار
فى وطننا مااحناش اتباع
اللى غايب فيها حاضر
ولاحدش فى القمه غاب
كل العالم فيها يدرك
أننا فى مجلس حساب
ع اللى عدا وفى اللى جاى
زى ما جه فى الكتاب
القضيه هيه هيه
صوتها أعلى من السحاب
دى قضية عمرنا
فى الذهاب وفى الإياب
مش ح نقبل بالتخلى
عنها أو أى انسحاب
فيها صوت الحق طالع
عالى من ورا كل باب
شكرا للقمه العربيه
على أرض مصر ام البلاد
نورتونا وشرفتونا
يبارك لكوا رب العباد
اتحادنا ح يبقى قوه
سهم قاتل للعناد
اصحوا دايما للى جاى
بده ياكل الاقتصاد
ح تلاقوه فى سماء بلادكم
ويا أسراب الجراد
ولا ح يصده ولا ح يرده
عنكوا غير الاتحاد
تابعونا على صفحتنا الفيس بك
