قصيدة”مستني كثير” الشاعر وحيد غنيم
مستنى كتير بقالى زمان
موال الصبر شبع ألحاااان
وأقول بكرا جاى بأمان
وِفات بكرا و١٠٠ بكرا كمان
وانا لحالى..وحيد قلقان
لاعارف إيه راح اعمل
ولا عارف أعيش..إنسان
ماضى أليم ..مفزّعنى
وذكرى صعب ع النسيان
لا بتسيبنى ولا بترحل
ولابيحِلّ مكانها ..
يوم جايب فرحه
عاليه الأمانى بعيد طارحه
أَقَرّب منها ..وِبتبعد
وان قرّبِت..تسعِد
وبيبعد عنى يوم ..
بقالى سنين باستنّاه
وبامشيله.. وشايلاله..خطاويّا الآاااه
وقدام العيوون باضحك
وجوايا صوت ألم يزعق
وبكرا سامعنى ومصدّق
وعلى مهله..لسه ماجاش
وآدينى ع الحال دا مستنى
ويزورنى موال الصبر..
فانا وهوّ بنغنى …
تابعونا على صفحة الفيس بوك
