قصيدة “لك حق” الشاعر عيد حميده.
لك حق
لك حق تهجر وتعاند
وتفوتنى عايش وحديا
دا الشوق في قلبي كان قايد
وف لحظه ليه تقسا عليا
طيفك ليلاتى ف أحلامى
وف كل لحظه قدامى
وف يوم ما شفتك بعنيا
نورت عمرى وأيامى
ازاى تقول حبك عمرى
ويهون عليك تشغل فكرى
ولو سألتك عن حبى
وتقول داحبك موش ليا
لك حق تهجر وتعاند
وتفوتنى عايش وحديا
موش قادر اوصف أفراحى
إن كنت نايم أو صاحى
دا الفرح نور أيامى
ونسيت بكايا ونواحى
وتعدى ماتمسى عليا
لك حق تهجر وتعاند
وتفوتنى عايش وحديا
الورد ميل ع الأغصان
والفرح نور كل مكان
والدنيا غنت علشانى
ورجعت احبك من تانى
ولماتظهر قدامى
أفرح بقلبى وعنيا
لك حق تهجر وتعاند
وتفوتنى عايش وحديا
ياهلترى القلب القلب القاسى
هيسيبنى حاير وباقاسى
يامين يوصل أشواقى
ويقول لك انى عليك باقى
باسأل عليك دايما والله
وباقول عليك ألف ماشالله
بعدين بقا رح تنسانى
وللاانت هتحن عليا
لك حق تهجر وتعاند
وتفوتنى عايش وحديا
تابعونا على صفحتنا الفيس بك
