الأولا هيبه
والتانيه عيبه
والتالته المكتوب
طول عمري أنا هيبه
والحب في الرجال عيبه
ومكنتش اعرف المكتوب
يا قلبي احوالك غريبه
مين قالك تعشق
وترضى بالنصيب
كنت عايش زي الغريب
وحدي ماليش حبيب
ومن قبل الحب انا
كنت عارف اعيش
وكنت بوحدتي بفرح
وكان الحب على بابي
على بابي ميعرفنيش
وبالي كان خالي
وبقول للحب وانا مالي
وعن العشق متسألنيش
وكنت بهرب من الحب بهرب
من الحب انا بهرب
واهرب من العشق والمكتوب
وكان كل شيء محسوب
ولا كنت اعرف ان الحب
على قلبي كان مكتوب
ليه يا قلبي سبتني اعشق
واناجي في الهوى ليلي
اناجي ليلي والمحبوب
خلتني احب الحب
خلتني اعشق الذكرى
والعيون السود
والعشق عندي كان معيوب
وجريت انا في العتمه بدور
على الدفا مستني النور
بقيت اسافر وافضل مسافر
ورا حلمي اسافر
واعدي بحلمي بحور وبحور
ومشيت طريق العشق
والخطوة فيه
دا شيء مهوش محسوب
وليه يا قلبي كل الشوق كده مخبي
ده كان حلمي واخدوه مني
كنت انت فين
وحبي فين
وانا مين كان يرجعني
عن العشق والمعشوق
وكان فين غايب عني
ووحدتي اللي كانت مني
وكنت انا راضي بالوعد والمكتوب
و كنت عايش عمري بالمقلوب
راضي عن الماضي
عن الرحله واللي كان
في يوم مكتوب
تابعونا علي صفحة الفيس بوك
