شعر
قصيدة (الشتا العجيب) للشاعر والمخرج المسرحي محمود القناوى.
![](https://nbdaleaisma.com/wp-content/uploads/2024/02/6C6AB5FD-6B00-4B57-A875-EC29304CF597-780x470.jpeg)
كتب حنان محمد
الشتا العجيب
الشتا العجيب اهو هل
دق البيبان المقفوله
وبروايح الذكريات طل
صحى حاجات كانت مدفونه
خير ياعمنا عايز ايه مننا
خلاص كبرنا
والعيال اللى جوانا هدو حالنا
ستى لسه سامعها بتدعى
وانا تحت المطر بغنى رغى رغى
خلاص كبرنا وشلت بنت اختى
وجسمى من برد الشتا
مبقاش يستحمل
ولقيتنى ايوه كده
لوحدى بحكى
عن اللى كان
وبفتكر ايام زمان
وحسدت العيال
وقولت فى نفسي
ياريتنى مكبرت
ولا قولت سرى لحد
انا من يوم ماعفرت
بنيت للشتا الف سد
واختزلت كل الكلام
فى اغنيه وذكريات
وعرفت وقتها
قيمة نعمة السكات