كتب حنان محمد
جنة الابتسام
طيفك حلم جميل
وآسر القلب..
واخدُه لفوووق وطاير
منسّيه الدنيا وما فيها
أكيد انت اللى ليها
الطيبة عطف وجمال
عنيك باعته الملام
ويتقال فيها أغلى كلام
يا ريت ما تبعِدش تانى
اِوصِل..خيوط السلام
بجنة الابتسام
سيبنى على صوتك أنام
تِغمّض رموش عنيك
على صورتى
تنسينى ألم حيرتى
وتسكّنها الأمان
خُد طيفك وادّينى إنتَ
هاستنّى تانى كتير لإمتى
سنين من يوم ما شوفتك
باتمنى..رضاك
بعادى ما كانش بإيديّا
فارضاه الدنيادى عليّا
وعارفَه إنّك، اللى ليّا
بعادك انت ليييييييه
يا أملى.. واللى فيه
قلبى ذنبه إيه
يتعذب ببعدك
يتألم فى قُربك
بعد آخر رشفة شاى
بنِمشى ونسلّم
فاكرين هنروّح مرتاحين
نسينا مع بعض روحنا
فى عالم تانى خالص
اسمه الانسجااام
دايب فى الحنين
فكّرنى أوّل مانرجع
بعد التحية وكلّه تمام
بالمحبه والاحترام
نعلِن للخلق كلّه
والمراسم بالتزام
أوّل كلمة لمشوار جديد .
