شعر
رباعيات للشاعرة زينب فتح الله.
![](https://nbdaleaisma.com/wp-content/uploads/2024/03/F362F4E3-C4DD-4049-AC0B-B7BBF51F8101-664x470.jpeg)
كتب حنان محمد
رباعيات
مش كان زمنا اتنين
عايشين سوا بقلبين
و النبض كان واحد
مش قولتلي المضمون
إن انت مش هتخون
وإن اللي فيا ظنون
و القلب مش جاحد
مش كان زمانك هنا
مقاسمنا ف الدندنه
و محلي طعم الغنا
و بنوحد الواحد
في نار بتنهش ف الحشا و الروح
و عين القلب بتدمع بكا و تناهيد
على فين هتهرب م الوجع و تروح
و إزاي هتبعد م اللي فيك لبعيد؟
دا الجرح زارع شوك ف كف ايديك
و المر كاس مليان عشان معاليك
و الفرحه جارحه و طارحه دمعايه
متسكنه جوه العيون مع دمع ساكن فيك
زاهد و قلبي لا له حبيب ولا حال
و لا ليا عشق و صبابه و لا بقول موال
لكن عرفت المر ازاي يكون شكله
وإزاي تدوقه لو القليب فيك ماااال.