كتب حنان محمد
رباعيات
توته وتوته ..وفى الحدوتة..
بعد الصبر … بتيجى الفرحة ..
زغروطة .. وفستان .. والطرحة ..
يارب إسعد كل حبايبى ..
وإرزقنا الذرية الصالحة ..
*******
ياختى جماله .. ياخفة دمه ..
فيه من خاله .. وفيه من عمه ..
هوة الخالق الناطق أبوه …
لكن برضه ..حته من أمه ..
*******
قلب مامتها .. ورزق أبوها ..
من طعامتها .. الناس خطبوها ..
لويجيبولى .. وزنها .. لولى ..
مش هتسيب حضنى وياخدوها ..
********
وسط الضلمة .. بحس .. بضمة ..
وأسمع .. “ماما ” .. دى أجمل كلمة ..
يا أجمل كلمة ..
“إسرى “ف روحى .. و”إروى” عنية ..
بأحلى معانى الحب و”أسمى” ..
و”أحمد”ربى .. دى “آية” و نعمة ..
و”أحمد” ربى على دى النعمة ..
