كتب حنان محمد
*حمامة تاه برجها *
ليه كل الموازين
لقيتها معاكِ مغشوشة؟
وليه صورتك الحلوه
طلعت معايا مهزوزة
***
قالت اللي بينا
كان ماضي
والماضى ظرف زمان
والزمن كتب علينا
ان الفراق عنوان
ماضينا مواله انتهى
ولونه صار بهتان
ما بقاش تفرق معاه
مبسوط ولا زعلان
***
د آخر كلام عندك
يا خساره إني صدقتك
قلبتي ضحكي دموع
وانتِ ولا همِّك
***
يومها أمي قالت لي
أوعى يابني
م المهانه
الحب يا بني لُه علامه
والعشق بدون كرامه
يذل صاحبه
ويقل من مقامه
***
بالظبط يشبه حمامه
تاه وليفها وبرجها
حط قلبك جوه عقلك
وكرامتك في السما
تبقى وسط الرجال
مثال:
ونمـوذج يُحْـــتذى
