كان، فيه بيت في قبيلة قريش اسمه، بيت بني مخزوم، البيت ده مُلهم للتفكير، فوق ما تتخيل، يعني مثلا سيد البيت ده كان اسمه (الوليد بن المُغيرة المخزومي)، وده من شِدة كُفر.ه ربنا توعده بجهنم في الدنيا، بل ومكان مُخصص اسمه (سقر) وده وادي في جهنم ، شديد العذاب لما قيل عنه (سأصليه سقر)
– طيب مين تاني يا أحمد خرج من البيت ده
– أبا الحكم بن هشام
– مش ده أبو جهل
– أيوة هو، رأس من رؤوس الكُ-فر واكتر شخص كان بيأذي الرسول وكانت نهايته درامية في غزوة بدر على إيد الصحابي عبد الله بن مسعود
– ده كدا بني مخزوم دول اعوذ بالله منهم
– لا استنا، انت عارف مين تاني خرج من البيت ده
– مين
– خالد بن الوليد ين المُغيرة المخزومي
– مش ده
– هو، أعظم قائد عسكري في التاريخ ومُحطم امبراطورية فارس والروم وسيف الله المسلول والصحابي الجليل..
– وعارف مين تاني خرج من البيت ده
– مين
– عِكرمة بن أبي جهل والحارس بن هشام وسلمة بن هشام
– مش دول السبب بعد الله في فتح الشام لما شكلوا كتيبة الموت في معركة اليرموك الفاصلة بين المسلمين والروم وقلبوا الهزيمة لنصر ساحق
– أيوة هما
– ده معناه اننا اتسرعنا في الحُكم عليهم، بس ازاي من نفس البيت يخرج سيف الله وعِكرمة ويخرج أبو جهل والوليد
– حكمة ربك بقا، حكمة ربك اللي تفهم منها ان كل مكان بيخرج منه أبو جهل وبيخرج منه سيف الله، حتى لو كانوا اخوات أو أب وابنه، أي بيئة مهما كانت صالحة أو فاسدة بيخرج منها الشيء وضده، فاختار يا صديقي مهما كانت البيئة بتاعتك عايز تبقا أبو جهل ولا سيف الله المسلول
تابعونا علي صفحة الفيس بوك
