كتب حنان محمد
الليالي
في الليالي الصعبه بفتكرِك
في الليالي الصعبه ضميني
خونت دمعي الليله ياسمرا
سامحي ضعفي ..
ياسمرا سامحيني ..
كتفي مال م الحِمل عَجزني
كتفي شيلته تقيله
شديني ..
في الليالي الصعبه بفتكرك
والليالي الليلة سَحباني
عَندي وش بيحدِف التاني
وإنتي بينهم واقفه
تِشكيني !
خايف أبكي دِموعي تِملِكني
عيشت اخبي خبايا تِهلِكني
شَعري شاب والدنيا خَضِتني
شوفتي حالي
يا سمرا.. شوفتيني ؟
عقلي شاط من غُلبي دمَعني
مين في ظنِّك حُضنه هيساعني ؟
الليالي بتمشي قومت أجري
إجري يا ام الحُسن
سابقيني ..
دي الليالي طويله هدتني
حلوه لسه يا حلوه شدتني
زي نور الصبح يا سمرا
نفسي أنادي عليكي بس إنتي
مقابلتينيش ..
علشان تفارقيني !
