كتب حنان محمد
بنزين خلاص
بنزينى خلاص ..شطّب .. و وقفت ..
مش عارفة اطلع ..
طب ألف .. وأرجع .. ؟
شكلى إتكلبشت ..
قررت .. أركن ..على جنب ..
يمكن .. تيجى فرحة تفرّحنى ..
و تزقّ القلب ..
وتزق القلب .. يفوق .. ويدق ..
ما بقاش بيدق ..
جواه عقرب .. يحسب بالوقت ..
أيام .. وساعات ..
مليت .. وزهقت ..
من غلبى بقيت .. أدى .. إشارات ..
وأصرخ .. يطلع صوتى كلاكسات ..
وﻻ حد شايفنى ..
كإنى .. سراب ..فوق .. اﻷسفلت .. وضحكت ..
والضحكة بقت .. مليانة تجاعيد ..
وأكيد .. السكة .. مابتوصلش ..
معلش ..
هامشى .. و هاجرب ..
عجلى إتشألب .. فى مطب .. وقعت ..
و وقفت ف جنب ..
بنزينى .. خلاص .. شطّب ..
