كتب حنان محمد
أكبر عيبه
أكبر عيبه وتبقى غريبه
لما ياصاحبى بعد الشيبه
تمشى شمال ويا الهليبه
تبقى دى منك أكبر خيبه
وكارثه فى حقك قبل العيبه
وفضيحه بجلااااجل ومصيبه
الرشوه كبيرها غدوه وعشوه
ونار فى البطن و ١٠٠ تأنيبه
فكر وارجع لجل عيالك
يفضلوا شايفينك بالهيبه
واعرف إن البركه فى مالك
تصلح حالك وبدون ريبه
لو قرش حلال مليان بركه
أفضل من مليووون تهليبه
واوعاك مره تخون من أمنك
أو بالمكر تقابل الطيبه
لو هتموت موت بكرامتك
تفضل سيرتك سيره عجيبه
لما يقولوا كان إبن أصول
ولا يقولوا كان صاحب عيبه
