كتب حنان محمد
[ الشحات ]
بَقَي لِي كْتير وِبَلِفّ ياناس
ومافِيش حَدّ ادَّالِي جْنيه
بادْخُل شارع واطْلع حارَهْ
ومَا خَلِّيت صُعلوك ولا بِيه
قُلت كلام لو سِمعُه
حديد
قلبه يْرِقّ صُعُبْت عليه
باقول أشعار وِسَعات مواويل
باغَنِّي واقول أحْلي إفِّيه
أقوم م النِّجمه أحَضَّر حَالي
والْبِس لِبْس الشُّغْل وْغاوي
باعْمِل أعْرَج واعْمي كمان
بَلِفّ دْراعي ف شاش وأساوي
واعْمِل نَفْسِي كَسِير وجريح
ألِفّ بيوت وأخُشّ قَهاوِي
عُمرِي ماحَدّ فَقَسْنِي ف يوم
مِشْ معقول دانا زَيّ الحاوي
ف كل مكان نيولوك جْديد
عملت مريض والصحة حديد
أخُشّ السوق دكاكين وجوامع
رايح فين أعمل مش سامع
أشكي واعيَّط للي أشوفه
أقول حِكايات واشكيله مواجع
إنت أخينا يااللي هْناك
لابس بدله وماشي سعيد
زَحْلَقْ حسنة لشخص كفيف
خمسه جنيه أو حتي رغيف
أصْلِي جعان والجسم ضعيف
نِفْسي اتْعَشَّي اليوم بلوبيف
بِدّي أجِيبْ علبة دُخَّان
أصْل صَراحه أنا واد كييف
بعد الأكل اعْمِل دِمَاغِين
وانا ف البانجو كمان حَرِّيف
إسمع يابني بقول لك إيه
هِزّ الجيب واعْطِيني جْنيه
أصْلي فاضل لّي دُورين وأكمِّل
عمارة النور ف مْحَرَّمْ بِيهْ.
