كتب حنان محمد
التيهة
عارفين التيهة أما تاخدنا
من ناسنا ومن أعز أحبابنا ؟!
وتقسي قلوبنا على عزيزنا ؟!
آه منها التيهة وبلاويها
وأيامها العتمة ولياليها
بتغير في الذات معانيها
وتخلي أصحابها أعاديها
وتغير في الروح معانيها
ربنا يكفينا ويكفيكوا
شر التوهان
التيهة لما انت تبادر
وتضحي ببيتك وتغادر
وفي أي أوان
التيهة لما تكون هايص
وولادك حاسين الحرمان
ياللى انت نويت تدخل فيها
هتحس بشبه غرام أيام
والله راح تندم بعديها
وتقضي حياتك نوح وآلام
صدقني اكتفي باللي مكفيك
واتغطى بغطاك اللي مدفيك
متفوتش قديمك أصل تتوه
سيب قلبك وسط أحباب عشقوه
