نشر حنان محمد
مقطوع من شجرة
زي كل الناس بعيش
يوم بتبقي رايقة خالص
يوم مفيش
يعني ممكن أي حاجة تعدي طقة
وطقة لأ
وماشية يعني
ولو بزقة
المهم مبنحنيش
والمسائل رايحة جاية
تحت حبة ..
فوق شوية
وبق مية
يبل ريق
باختصار بنعدي يومنا
وفي الترع
نغسل همومنا
ورزقنا لو قل حبة
إللي بينا م المحبة
بيه نعيش
واللي داق م الحب
لحسة
زي ناعسة
مش ناقصله
غير جناح أيوب
وريش
يعني بنقضيها عيشة
لو بهدمة
أو بخيشة
بس حازز فيا خالص
إني بدي
وما التقيش
وإن عمري يضيع قصادي
ورغم حبك
جيبي فاضي
كان مرادي القسمة تعدل
يبقي زهرك
شيش وبيش .
