جتلي رسالة على الخاص من سيدة بتحكي عن واحدة تعرفها شخصيًا في ليلة زفافها وبالأخص لما دخلت عش الزوجية مع زوجها أصابتها حالة كاملة من الهياج لدرجة إنها كانت هتقتل زوجها من شِدة ثورتها، ولما صبر عليها زوجها يوم واتنين وتلاتة الوضع زاد سوء خاصةً لما كان بيحاول يقرب منها بالليل..
جابوا شيخ واتنين وتلاتة وبرضه مفيش حد عارف يعالجها وكأن معاها قبيلة كاملة من الجِن، لحد ما في ليلة بدأت تصرخ بطريقة هيستيرية أكتر واكتر وبالأخص لما وقعت في الحمام، ولما جوزها حاول يسعفها بدأت تنطق بصوت خشن، ذكوري، وقرروا يستعينوا بشيخ جديد، وفي جلسة العلاج كانت المفاجأة..
الجن نطق وقال انه من عمار المكان وطول الفترة دي شايف البنت وهي بتمثل عليهم انها ممسوسة، وده ببساطة لأنها مش عذراء وعملت علاقة في الحرام من فترة طويلة، وملقتش غير التمثلية دي عشان تهرب من الفضيحة، ومن كتر تمثيلها وهياجها قدر الجن من خلال وقعتها في الحمام انه يدخل جسمها ويكشف السِر عشان زوجها المسكين اللي وقع في واحدة مُخادعة وكذابة زي دي، واللي اتقال ان المُعالج رفض يعالجها وجوزها طلقها وفضلت ممسوسة اكتر من ٨ سنين كاملين بتتعذب بسبب كذبها وتفكيرها الشيطاني..
تابعونا على صفحة الفيس بوك
