كل منا نقصة شوية معلومات، اكيد تغير مفهومنا ونكون ستات، بيوت شطار تعالو معايا، اعرفو 17 معلومة تهمك ، فى مطبخك .
معاكم 17 معلومة وهم كالاتى:
١- لما تيجى تسوى المحشى اى نوع (فلفل رومى وباذنجان او ورق عنب او كرنب)
بتحطى الشوربه وتسيبى مقدار عقله صابع علشان ميطلعش معجن ويستوى گويس
واول ما يتشرب شوربته انقليه على العين الصغيره ووطى عليه
٢- قبل ما تسوى اى حاجه فى الفرن سخنيه قبلها ب حوالي ١٠ دقايق
٣- الرز لما تيجى عايرى مقدار الماء ب كوبايه ،، و لكل كوبايه رز كوبايه وربع ماء
بنفس الكوبايه
٤- لما تعملى الملوخيه متغطيهاش علشان متسقطش منگ ،، بس واربى الغطا
٥- لما تعملى القرص الطريه ابقى حطى عليها رشه فانيليا ،، ولما تعجنيها سبيها 10 دقايق وبعدين شكليها ورصيها فى الصوانى وسبيها تخمر ساعتين هتبقى جميله
٦- لما تكونى بتعملى اى معجنات فى الفرن وحسيتى انها نشفت منك زى البيتزا مثلا غطيها اول ما تخرج من الفرن ربع ساعه هتبقى طريه
٧- (الباميه والسبانخ والفاصوليا البيضه والبطاطس) بيحبوا التوم ،، يعنى بعد ما تطفى النار تجيبى فص توم مهروس وتحطيه عليها وتغطى
٨- لما تكونى بتسلقى( لحمه او فراخ) متحطيش الملح الا بعد ما تستوى علشان الملح
بياخر السوى
٩- لو بتسلقى لحمه او كوارع وطولت على النار ابقى حطى عليها نص معلقه صغيره سگر
١٠- لو عندگ (عيش البلدى او السورى ) احفظيه فى الفريزر هيفضل طازه
١١- لو عندك قشطه فى الفريزر اللى بتشليها من على وش اللبن حطيها فى حله وعلى نار هاديه هتاخدى منها احلى سمنه بلدى
١٢ـ البسبوسه لما تعمليها اسقيها الشربات سخن اول ما تخرج من الفرن علشان تبقى طريه
١٣ لو عايزه سيرب خفيف يبقى لكل كوب سكر كوب ونص ماء
١٤- لو عايزه سيرب تقيل يبقى 2 كوب سكر وعليهم كوب ماء
١٥ـ العجين سبيه يخمر على الاقل ساعتين هتبقى نتيجه ممتازه
١٦- وانتى بتسلقى (الكرنب او القرنبيط ) حطى شويه كمون فى ميه السلق ونص ليمونه علشان الحله ما تسودش منگ
١٧- لما تسوى محشى الكوسه باللحمه المعصجه ابقى افرشى الحله بقلب الكوسه اللى طلعتيه بعد التقوير ورصى الكوسه واقفه واسقيها يادوب تلت الحله بس واول ما تتشرب وطى النار عليها واول ما لونها يتغير اطفى عليها كده تبقى استوت.
تابعونا على صفحتنا على الفيس بوك
