نشر حنان محمد
عازل للصوت
انا اسف ، هنطق قبل ما اموت
هخرج مني ،
لاني مصمم ، عازل للصوت
هطلع من مملكة الكتمان
هكشف عيبي
سامحوني هبان كشبيه انسان
انا اصلا جايلكم بجري ،
هربان من حزني اللي ف جيبي
وبضل الشياطين المارده اللي ف كل مكان
وبدل الاطياف الشارده
على سكة امان
يا مشاعر دافيه بقت بارده
يا بواقي ايمان
كلنا تفاصيل ،
مقرونه بفرح وحزن وخوف ،
مافيناش تمثيل ،
مين قادر يرسم لون مخطوف !
مين يقدر يمشي ف غيط اهلك
تلزقي ف صمامه ويلزقلك ،
مش لاقي تعبير ارقى واجمل
من انه بيعمل نفسه خروف ، ويمأمألك
اتمنى يكونلي صديق صادق
والقصه دي تنتهي بالامها
يمكن مزهقش
كلها احلام وبنحلمها
مبتتحققش
كلنا بنفضى ف كاس مليان ونقول فاضي
اوجاعنا سببها ان الحرمان هو القاضي
وبيحكم باطل وبيأذي
بنصب دموع وقت فرحنا ،
ودا شيء عادي
والعادي كمان ان جراحنا ،
تتداوى بنسيان الماضي
واللي اذيني ان انا مش عادي…
