كتب حنان محمد
هيا الفلوس دى حلال ..!
أصل أنا ما شقيتش بيهم
مهما كان القلب شال
م الضنى ومحتاجة ليهم
ربنا قادر وشايف
حال عيالى وادرى بيهم
اليتامى حمل لكن
عمرى مافي يوم اشتكيت
ربنا وحده اللى عالم
ايه اللى ناقص كل بيت
رازق الطير اللى طاير
خضر القلب اللى باير
وهو أعلم بالضماير
واللى ساكن جوه فيهم
يبقى كان لازم أقولك
أصل أنا مشقيتش بيهم
الحلال يابنى اللى باقى
مهما بنلف فى سواقى
إسعى ليه وانت تلاقى
الوصول بقى سهل ليهم
يبقى كان لازم أقولك
أصل أنا ماشقيتش بيهم .
