كتب حنان محمد
حلمنتيشي
حلمنتيشي ف حلمنتيشي
عيشي يا بلدي او ما تعيشي
راح تفرق ويانا ف ايه
هنموت يعني
ما احنا بقالنا سنين اموات
هنعيش يعني
عيشة ايه ف مرار وهلاك
ف دنيا بتاخد ما بتديشي
حلمنتيشي
عشه صفيح وشوية ميه جوه صفيحه
وصفيحه لقضاء الحاجه
بقاعده مريح
ورغيف ناشف علي اطرافه شوية ملح
وعرق نازل جوه عيون
ما شفتشي الفرح وما بتبكيشي
حلمنتيشي
طفل قميصه شبابيك دايبه
مش شايله غير جلد وعضم
ماشي يلقط من هنا لقمه
ويخطف لقمه بطين الارض
مطلوب منه يكون انسان
يهتف بسعادة الاوطان
ويقولك يا بلدنا تعيشي
هل هتعيشي…?
حلمنتيشي
