كتب حنان محمد
سلطان
سلطان يتيم الاب من يومه
والام هي دلال ف الجمال ايه
طول النهار البودره ومرايه
غيرانه كل النسا ومألفه حكايه
~~~~~~~~~~~~~~~~~~~~
سلطان دخل غيران يمه كده كفايه
اصبحت انا متهان وفعيني قشايه
يمه كلام الناس سكين بيدبحني
أتلمي يمه خلاص الكل جرحني
~~~~~~~~~~~~~~~~~~~~
انا ست زي الماس وجمالي دا وناس
والغيرة ف النسوان صبحت هنا عنوان
انا ست واسمي دلال والحسن دا فتان
والي معاه المال يصبح هنا خيال
~~~~~~~~~~~~~~~~~~~~
يمه الجمال بيروح ألا حلاة الروح
نفسي بقا تتوبي وألم انا توبي
ال صبح ف الوحل وانسي معاه
الكحل
ما تشوفي شرع الله والله ما أحلاه
~~~~~~~~~~~~~~~~~~~~
يبني الجمال نعمه
وأنا مهري ميت فدان
وقصر أسكن فيه ومعاي كام خدام
والشبكه تاج من ماس وانا ابقي ست الناس
~~~~~~~~~~~~~~~~~~~~
يمه بلاش احلام وكل دي اوهام
اصحي بقي وفوقي وحلتي ليه توبي
هقفل انا الدوار وتعيشي ليل ونهار
واحمي كمان العار واصبح من الاحرا
~~~~~~~~~~~~~~~~~~~~
سلطان ياود بطني
حقك علي راسي
شيطاني كان جبار وسيفه كان بتار
يحرم عليا الزيف وأرجع لسجادتي
