كتب حنان محمد
قطّعى الشرنقة
واطلعى للنور .. بقى ..
ودّعى حزنك .. وخوفك ..
رجّعى دمعك لجوفك ..
وارجعى لأحضان حروفك ..
وسّعى بإيديكى .. حبل المشنقة ..
… قطّعى الشرنقة …
بدّدى غيمة القلق …
حدّدى إسمك .. في دايرة السبق ..
هدّدى أشباح حياتك .. ماتخافيش ..
جدّدى رخصة آمالك .. ده الأمل مابينتهيش ..
مدّدى ضلوعك .. ونامى .. ع الحشيش..
واقلعى .. جلد الشّقا …
… قطّعى الشرنقة …
غيّرى إسمك .. ولونك ..
نوّرى بعنيكى كونك ..
دوّرى على حلمك اللى .. خبيتيه ..
شمّرى .. ومدّى إيديكى .. جوه قلبك ..
هتلاقيه .. ردّديه ..
سمّعى كل البشر ..
إسمعى .. صووت القمر ..
لو تسمعى صوت القمر …
هتلاقى نفسك للسهر .. متشوّقة ..
